تكتب منشور بالعربي، تحط بيه كلمة إنجليزية وحدة مثل Claude Code أو VS Code، وتضغط نشر… وفجأة:
- الكلمات تتبدل أماكنها.
- علامة التعجب أو النقطة تطير لبداية السطر.
- وإذا السطر يبدأ بكلمة إنجليزية، يصير كله من اليسار لليمين.
هاي المشكلة يعاني منها كل واحد يكتب عربي على X وGitHub وLinkedIn وDiscord وأغلب منصات التواصل.
ليش يصير هذا؟
أغلب هاي المواقع اتجاهها الأساسي من اليسار لليمين. لما المتصفح يلكى سطر بيه عربي وإنجليزي مخلوط، يطبق خوارزمية الاتجاه (Unicode Bidi)، والعلامات مثل ! و. ما إلها اتجاه خاص، فتلتصق بالجهة الغلط. والنتيجة سطر مخربط رغم إنك كتبته صح.
الحل: «سطر»
سطر أداة مجانية ومفتوحة المصدر (MIT):
- تلصق المنشور.
- تقارن الصندوقين: قبل وبعد.
- تنسخ النص الجاهز وتنشره بأي مكان.
الأداة تغلّف الكلمات الإنجليزية بعلامات اتجاه مخفية (Unicode isolates)، وتثبت الفقرة لليمين، بدون ما تعكس الحروف، وبدون علامة القلب الإجباري اللي تخرب النص. والأرقام العربية مثل ١٢٠ تبقى بمكانها، والأسماء مثل José تبقى كلمة وحدة، والإيموجي ببداية السطر ما يقلب الجملة.
ثلاث طرق تستخدمه
- الموقع: khrawaa27-hash.github.io/satr
- إضافة كروم: تضبط اتجاه الفقرات العربية بأي صفحة تلقائياً، وتترك كتل الكود مثل ما هي، وما تجمع ولا ترسل أي نص.
- تطبيق الهاتف: افتح الموقع من الموبايل واختار «إضافة إلى الشاشة الرئيسية»، وبعدها شارك أي نص لسطر وتطلعلك النسخة الجاهزة.
In English
Satr fixes mixed Arabic + English lines before you post them. On X, GitHub and other left-to-right pages, a line like «جربت Claude Code اليوم!» swaps its words and the exclamation mark jumps to the start. Paste the line into Satr and copy the fixed result, or install the Chrome extension. It wraps Latin runs in Unicode isolates instead of reversing letters, keeps names like José in one run, keeps Arabic-Indic digits in order, and a leading emoji does not flip the sentence. Open source under MIT.
👉 GitHub: https://github.com/khrawaa27-hash/satr
إذا فادتك، حط ⭐ على المستودع وشاركها ويه أي واحد يكتب عربي 🙏
Top comments (0)